185 óku of hratt á Hafnarfjarðarvegi

Brot 185 ökumanna voru mynduð á Hafnarfjarðarvegi í dag. Fylgst var með ökutækjum sem var ekið Hafnarfjarðarveg í suðurátt, sunnan Arnarnesvegar. Á einni klukkustund, eftir hádegi, fóru 1.094 ökutæki þessa akstursleið og því ók hátt í fimmtungur ökumanna, eða 17%, of hratt eða yfir afskiptahraða.

Meðalhraði hinna brotlegu var 94 km/klst en þarna er 80 km hámarkshraði. Tuttugu og sjö óku á 100 km hraða eða meira en sá sem hraðast ók mældist á 110 km hraða, samkvæmt upplýsingum frá lögreglunni. 

• 1 blogg um fréttina

Bloggað um fréttina

• Gísli Sigurður: Lögreglan braut lög við þessar aðgerðir...