Eftir Dag Gunnarsson, dagur@mbl.is

Í gær kom upp mikill eldur í yfirgefnu húsi við Skólavörðustíg fjörutíu. Á augabragði varð húsið eldinum að bráð en slökkvilið höfuðborgarsvæðisins bar að garði einungis nokkrum mínútum eftir að tilkynnt var um eldinn. Slökkvistarf gekk greiðlega og hafa starfsmenn tryggingafélags nú lokað húsinu.

Grunur leikur á að kveikt hafi verið í og samkvæmt heimildum mbl.is gat vitni bent lögreglu á þrjá unga drengi sem hlupu út úr húsinu skömmu áður en eldsins varð vart. Lögreglan færði drengina sem eru þrettán og fjórtán ára niður á lögreglustöð þar sem spjallað var við þá. Tæknirannsókn stendur nú yfir og er reiknað með að henni ljúki í dag.


Lögreglan á höfuðborgarsvæðinu hefur áhyggjur af því að nú er líkurnar aukist á vetrarkuldum að útigangsfólk sæki í yfirgefin hús sem eigendur hafa ekki lokað nægilega vel og þar sem slík hús eru oftar en ekki ókynnt og rafmagnslaus eykst brunahætta til muna er fólk kveikir elda til að hlýja sér.