Vilja yfirtaka Vegagerð og flugvöll

Bæjarráð Fljótsdalshéraðs samþykkti á fundi sínum í dag að óska eftir því við samgönguyfirvöld að sveitarfélagið taki að sér rekstur Vegagerðar ríkisins á Austurlandi og Egilsstaðaflugvallar. 

Þetta var samþykkt í ljósi umræði um niðurskurð á ýmsum þjónustuþáttur ríkisstofnana í fjórðungnum þar sem sparnaður er yfirlýst markmið. Á Fljótsdalshéraði líta menn svo á að skert þjónusta geti haft áhrif framtíðaruppbyggingu og þróun innan svæðisins. Var það sjónarmið meðal annars rætt á fundi sveitarstjórnarmanna á fundi í dag með þingmönnum Norðausturkjördæmis.

Á Héraði er einnig tekið undir sjónarmið Félags lögfræðinga á Norður- og Austurlandi sem mótmælir og varar við hugmyndum um sameiningu og og að lagðar verði af ýmsar stofnanir, svo sem embætti héraðsdómstólum, sýslumanna og skattstjóra.

• 3 blogg um fréttina

Bloggað um fréttina

• Gunnar Th. Gunnarsson: Alltaf sama sagan með Héraðsmenn
• Haraldur Haraldsson: Vilja vegagerð og flugvöll/ mjög svo gott mál þetta!!!!!!
• Haraldur Bjarnason: Vert að athuga