Jón vildi ekki sleppa Hafró

Sú hugmynd að flytja málefni Hafrannsóknastofnunar og Veiðimálastofnunar frá sjávarútvegsráðuneytinu til umhverfisráðuneytisins fær ekki háa einkunn hjá Jóni Bjarnasyni, landbúnaðar- og sjávarútvegsráðherra.

Hann sagði á aðalfundi LÍÚ í gær að hugmyndin væri fráleit og að hann hefði með öllu hafnað hugmyndunum. Jón hafði sitt í gegn því að í lögum um breytingar á verkaskiptingu stjórnarráðsins var ekki gert ráð fyrir breytingum á stöðu Hafró.