Vel mætt á útifund
Setja bókamerki
Nokkur hundruð manns mættu til útifundar Hagsmunasamtaka heimilanna og Nýs Íslands á Austurvelli í dag. Góður rómur var gerður að ræðumönnum sem hvöttu m.a. til áframhaldandi greiðsluverkfalls.
Ræðumenn voru Ólafur Garðarsson varaformaður HH, Björn Þorri Viktorsson og Lúðvík Lúðvíksson frá Nýju Íslandi. Kröfurnar voru skýrar; engar afskriftir en réttlátar leiðréttingar, að lán verði leiðrétt og yfirfærð í íslenskar krónur, afnám verðtryggingar og að lög verði sett um að ekki verði gengið lengra í innheimtu veðlána en að leysa til sín veðsetta eign.
Að sögn lögreglu höfuðborgarsvæðisins fóru mótmælin afar friðsamlega fram. Raunar var varðstjóri ekki alveg með á hreinu hverjir væru að mótmæla og sagði það hafa verið InDefence-hópinn.
Hagsmunasamtök heimilanna stefna að fleiri útifundum á laugardögum í desember.
Áköf mótmæli í bandarískum háskólum
„Mér finnst Halla Hrund svona Vigdísarleg“
Fiskikóngurinn: „Mér fannst sárt að heyra það“
Segir nýtt frumvarp gefa eldisfyrirtækjum auðlindir
Tæknideild komin norður vegna andlátsins
Fara ekki lengur fram á einangrun yfir Davíð
Baldur: „Ég ætla að svara þessu kalli“