Flugumferðarstjórar flytja úr landi

Félag íslenskra flugumferðarstjóra segir að atgervisflótti sé brostinn er á í atvinnugreininni en á skömmum tíma hafi 9 af alls 64 flugumferðarstjórum, sem starfa við flugumferðarstjórn hérlendis, sagt upp störfum og haldið utan til starfa.

Þá segir félagið, að fleiri úr þessum hópi kanni nú málið eða hafi nú þegar sótt um starf við flugumferðarstjórn erlendis. Fastlega megi því gera ráð fyrir að enn fleiri flugumferðarstjórar flytjist af landi brott á næstu mánuðum.

„Það segir sína sögu um ástæður atgervisflóttans að hæstlaunuðustu flugumferðarstjórarnir á Íslandi ná ekki byrjunarlaunum starfssystkina sinna annars staðar á Norðurlöndum. Þá eru dæmi um að íslenskir flugumferðarstjórar fjórfaldi útborguð laun sín með því að ráða sig í vinnu erlendis," segir m.a. í tilkynningu félagsins.  

• 2 blogg um fréttina

Bloggað um fréttina

• Jakob Falur Kristinsson: Landflótti
• Jón Svavarsson: Hirða aurin og kasta krónunni !