Á Norðaustur- og Austurlandi er óveður og eru vegfarendur beðnir um að leita sér upplýsingar um færð og veður áður en lagt er á stað, að því er segir í tilkynningu frá Vegagerðinni.
Vegna hvassviðris og élja má víða búast við slæmu ferðaveðri á
austanverðu landinu í dag. Eftir það er áfram spáð ákveðinni norðanátt
með ofankomu fyrir norðan og austan, segir af á vef Veðurstofu Íslands.
Hálkublettir eru víða á Suðurlandi.
Á Vesturlandi og á Vestfjörðum eru vegir greiðfærir þó eru hálkublettir á Holtavörðuheiði.
Á Norðvesturlandi er hálka á Öxnadalsheiði.
Á Norðausturlandi er hálka og skafrenningur á Mývatnsöræfum, hálka og éljagangur á Mývatnsheiði, hálkublettir og éljagangur eru víða á öðrum leiðum.
Austanlands er hálka, éljagangur og skafrenningur á Möðrudalsöræfum og á Fjarðarheiði. Hálkublettir og skafrenningur eru víða á öðrum leiðum. Þungfært og óveður er um Vatnsskarð eystra, ófært og óveður er á Öxi.
Á Suðausturlandi eru hálkublettir við Vík og í Skaftafell.