Fréttir af samþykkt Icesave berast víða
Setja bókamerki
Fréttir af samþykkt Icesave-frumvarpsins á Alþingi á tólfta tímanum í gærkvöldi bárust hratt út um heimsbyggðina og sögðu helstu fréttaveitur heims frá niðurstöðunni strax og hún lá fyrir. Í nótt og morgun hefur fréttin birst í fjölmiðlum í flestum nágrannalöndum Íslands og einnig í Ástralíu, Indlandi og Malasíu svo dæmi séu tekin.
AFP fréttastofan sagði, að einn þingmaður hefði hrópað: Til hamingju Ísland, þegar niðurstaðan lá fyrir, en annar hefði hrópað: Landráð.
Samkvæmt frumvarpinu, sem samþykkt var í gærkvöldi, ábyrgist íslenska ríkið skuldbindingar Tryggingasjóðs innistæðueigenda vegna greiðslna til breskra og hollenskra innistæðueigenda á Icesave-reikningum Landsbankans. Heildarfjárhæðin nemur nærri 700 milljörðum króna en gert er ráð fyrir því að eignir Landsbankans í þessum löndum gangi upp í skuldina.
Frumvarpið verður lagt fyrir forseta Íslands til staðfestingar á ríkisráðsfundi á Bessastöðum í dag.
„Á réttri leið en nokkuð í land ennþá“
„Skýr skilaboð til Seðlabankans“
Æskuvinur Íslendings myrtur í Noregi
Skar höfuðleðrið af íslenskri konu
Árshátíð ríkislögreglustjóra haldin í Tékklandi
Eyjafjarðarbraut lokað vegna alvarlegs umferðarslyss
„Hvílir mikil leynd yfir þessu öllu“