Innlent | mbl | 2.1.2010 | 8:44 | Uppfært 9:39

Krýsuvíkurkirkja brann í nótt

Krýsuvíkurkirkja. mbl.is/ÞÖK

Krýsuvíkurkirkja brann til kaldra kola í nótt. Slökkvilið Grindavíkur var kallað út laust eftir klukkan tvö í nótt, Þegar komið var á vettvang var kirkjan fallin. Slökkviliðið slökkti í því sem hægt var að slökkva. Slökkvilið höfuðborgarsvæðisins sendi tankbíl fullan af vatni á staðinn.

Ásmundur Jónsson, slökkviliðsstjóri í Grindavík, sagði að útkallið hafi komið frá Neyðarlínunni kl. 02:04 og að einn bíll hafi verið sendur á vettvang. Leiðin úr Grindavík í Krýsuvík er ekki auðfarin á þessum árstíma og var slökkviliðið um hálftíma að Krýsuvíkurkirkju.

Þegar slökkviliðsmennirnir komu á vettvang var kirkjan fallin og gátu þeir ekki gert annað en að slökkva í glæðunum. Fenginn var tankbíll með vatn frá Slökkviliði höfuðborgarsvæðisins í Hafnarfirði.

Ekkert rafmagn er á staðnum og ekki er vitað um eldsupptök. Nokkuð ljóst þykir að aðeins komi þar tvennt til greina: Íkveikja eða mannleg mistök. Lögreglan mun rannsaka eldsupptökin í dag.

„Þetta er skelfilegt. Það er eina orðið sem ég á yfir þetta,“ sagði séra Þórhallur Heimisson, sóknarprestur í Hafnarfjarðarkirkju. Krýsuvíkurkirkja er í Hafnarfjarðarprestakalli. „Það var dýrgripur sem var þarna í Krýsuvík, einstök kirkja og gríðarlega mikið heimsótt.“

Í kirkjunni var gestabók og þúsundir gesta skrifuðu nöfn sín í hana á hverju ári. Þegar messað var í kirkjunni var hún alltaf setin til þrengsla og fjöldi fólks utandyra, að sögn Þórhalls. Hann sagði marga hafa borið vinarhug til gömlu kirkjunnar í Krýsuvík. Missir hennar sé því mikið áfall.

Þórhallur sagði að altaristafla Sveins Björnssonar, sem hann málaði sérstaklega fyrir kirkjuna, hafi bjargast. Venjan var að messa í Krýsuvíkurkirkju í lok september ár hvert. Eftir þá messu var altaristaflan tekin niður og geymd ásamt öðrum lausum kirkjugripum í Hafnarfjarðarkirkju yfir veturinn.

Krýsuvíkurkirkja var byggð árið 1857, fyrir 153 árum, og endurbyggð og endurvígð árið 1964. Kirkjan var í vörslu þjóðminjavarðar.

Altaristafla Sveins Björnssonar listmálara prýddi kirkjuna að sumarlagi. Hún bjargaðist enda geymd í Hafnarfjarðarkirkju yfir veturinn. mbl.is/RAX

Innlent »

Bjarni Benediktsson, formaður Sjálfstæðisflokksins, á Alþingi.

Vandi stjórnarinnar gerður að vanda fjórflokksins

Í gær, 23:28 „Gaman að þessum stjórnmálafræðingum sem fjölmiðlar tala helst við. Þegar stjórnarflokkarnir fá ærlega rassskellingu heitir það ávallt „fjórflokkurinn“. Það var vandamál „fjórflokksins“ þegar margir voru óákveðnir og enginn annar valkostur var kominn fram,“ segir Bjarni Benediktsson, formaður Sjálfstæðisflokksins. Meira

Ökumenn í vanda vegna hálku

Í gær, 22:24 Allmikið hefur verið um umferðaróhöpp á Holtavörðuheiði í dag og fram á kvöld vegna hálku. Samkvæmt upplýsingum frá lögreglunni á Blönduósi hafa bílar lent út af veginum en engin slys þó orðið á fólki. Meira

Hestar sluppu eftir bílveltu

Í gær, 22:20 Jeppabifreið með hestakerru í eftirdragi valt út fyrir veg í grennd við Grundartanga á tíunda tímanum í kvöld. Ökumaður hlaut minniháttar meiðsli og hestarnir eru taldir hafa sloppið ómeiddir. Jeppinn er talinn ónýtur og hestakerran var töluvert löskuð. Meira

Snjóar í höfuðborginni

Í gær, 21:44 Snjóað hefur lítilsháttar í höfuðborginni í kvöld. Á morgun er spáð suðvestan átt á landinu, víða 8-15 m/s. Meira

Fljótsdalshérað vann Hveragerði

Í gær, 21:19 Fljótsdalshérað vann Hveragerði í fyrstu útslitaviðureign Útsvars í RÚV í kvöld. Leikar fóru 68-64. Keppnin var æsispennandi. Meira

Nokkrir skjálftar í kvöld

Í gær, 22:11 Skjálftavirkni hefur verið suðaustur af Húsafelli í kvöld. Nokkrir skjálftar hafa mælst þar frá klukkan 18.45, þeir stærstu 1,9 stig. Stærsti jarðskjálfti dagsins mældist hins vegar 2,5 stig, 20 km norðaustur af Siglufirði. Meira

Vilja breyta skipan á höfuðborgarsvæðinu

Breytt sveitarfélagaskipan á höfuðborgarsvæðinu er talin æskileg.

Í gær, 21:23 Tæplega sjötuíu prósent alþingismanna, sveitarstjórnarfulltrúa og framkvæmdastjóra sveitarfélaga telja æskilegt að breyta sveitarfélagaskipan á höfuðborgarsvæðinu. Þetta kemur fram í könnun sem gerð var fyrir innanríkisráðuneytið. Meira

Æfa í þröngu, köldu og leku húsnæði

Í gær, 20:41 „Á blautum dögum renna óslitnar vatnsbunur inn í æfingaherbergið og þar með liggja nýju júdódýnurnar undir skemmdum.“ Þetta sagði fulltrúi Framsóknarflokks í bæjarstjórn Reykjanesbæjar um aðstöðuna hjá Júdódeild UMFN um leið og hún kallaði eftir bættu húsnæði. Meira

Vel á annað þúsund á Bessastöðum

Sigurður Magnús Magnússon, 28 mánaða, ræðir við Dorrit Moussaieff forsetafrú á Bessatöðum í dag.

Í gær, 20:20 Vel á annað þúsund manns lögðu leið sína á Bessastaði í dag en forsetasetrið var opið almenningi sem liður í Safnanótt 2012. Um var að ræða fólk á öllum aldri, mikið af fjölskyldufólki og ungu fólki, og samkvæmt upplýsingum frá skrifstofu forseta tókst afar vel til. Meira

Fíkniefni ætluð fanga fundust

Í gær, 19:06 Smokkur með fíkniefnum fannst á salerni Landspítala í gær eftir að yfirmenn á Litla-Hrauni vöruðu spítalann við að fangi sem þangað var að koma myndi fá þau afhent þar. Þetta kom fram í sjónvarpsfréttum Ríkisútvarpsins. Meira

Akureyrarstofa óánægð með Alþingi

Í gær, 20:12 Stjórn Akureyrarstofu er ósátt með að sjálfsákvörðunarréttur sveitarfélaga hafi ekki verið virtur þegar breytingar voru gerðar á lögum um almenningsbókasöfn. Regla um hámarkssektir komi mjög niður á Amtbókasafninu á Akureyri. Meira

Meirihluti vill kosningar í vor

Jóhanna Sigurðardóttir forsætisráðherra.

Í gær, 18:59 Meirihluti landsmanna vill að þing verði leyst upp og boðað verði til alþingiskosninga í vor. Þetta kemur fram í nýrri skoðanakönnun Stöðvar tvö og Fréttablaðsins. Meira

Gáleysi að fara upp lausan stiga

Í gær, 18:56 Héraðsdómur Reykjavíkur hefur sýknað Sjóvá-Almennar tryggingar hf. af kröfu manns sem taldi sig eiga rétt til bóta úr ábyrgðartryggingu Ístaks. Maðurinn slasaðist við vinnu hjá Ístaki þegar hann datt úr lausum stiga. Dómurinn taldi slysið rakið til gáleysis mannsins. Meira

Miklaborg hreinsuð af ásökunum

Í gær, 18:43 Eftirlitsnefnd Félags fasteignasala hefur hreinsað fasteignasöluna Mikluborg af ásökunum um að ranglega hafi verið staðið að verðmati á íbúð við Byggðarenda í Reykjavík. Segir í úrskurðinum að vinna fasteignasölunnar hafi verið í samræmi við góðar venjur í fasteignasölu. Meira

Frystir með kvöldinu

Í gær, 18:20 Það frystir víða aftur í kvöld og nótt og áfram verða smáél vestantil. Þar myndast varasöm ísing við þessar aðstæður, þegar hiti er alveg við frostmarkið, segir í upplýsingum frá Vegagerðinni. Meira

Stuðningsmenn Sigurðar Árna boða fund

Í gær, 18:46 Sigurður Árni Þórðarson skilaði tilkynningu um framboð í biskupskjöri til Biskupsstofu í dag. Af því tilefni efnir stuðningsfólk hans til málefnafundar í Hallgrímskirkju á sunnudaginn. Meira

Karl á áttræðisaldri í haldi

Í gær, 18:22 Karl á áttræðisaldri er í haldi lögreglunnar á höfuðborgarsvæðinu, grunaður um aðild að sprengjumálinu svonefnda. Lögregla hefur jafnframt lagt hald á ýmsan búnað sem tengist málinu, auk þess sem bíll mannsins er í vörslu lögreglu en ökutækið er sömu gerðar og lýst var eftir. Meira

Handtekinn vegna sprengjumáls

Í gær, 17:41 Karlmaður var handtekinn á Suðurnesjum í dag í tengslum við rannsókn lögreglu á sprengju sem fannst við Hverfisgötu í Reykjavík á síðasta degi janúarmánaðar. Samkvæmt heimildum mbl.is var einnig lagt hald á bifreið. Yfirmaður rannsóknardeildar lögreglunnar vildi ekki tjá sig um málið. Meira