Árni Sæberg

Hæstiréttur hefur staðfest úrskurð Héraðsdóms Reykjavíkur um að karlmaður á þrítugsaldri, sem grunaður er um kynferðisbrot gegn þremur stúlkun á aldrinum 13 til 16 ára.

Í úrskurði héraðsdóms segir, að vísbendingar séu um að maðurin hafi afbrigðilegar kynhvatir og augjóst að hann hafi ekki taumhald á þeim. Kunni að vera að fíkniefnaneysla hans hafi þar einhver áhrif.  Hafi verið tekin sú ákvörðun að maðurinn gangist undir sálfræðimat af þessu tilefni.

Maðurinn var kærður 29. desember fyrir kynferðisbrot  gegn 14 ára   stúlku, sem var framið 22. desember. Sagðist stúlkan hafa hitt manninn eftir að hann sendi henni SMS skilaboð og beðið hana að koma að hitta sig. Hún fór heim til mannsins þar sem hann misþyrmdi henni kynferðislega. Stúlkan sagðist hafa sagt manninum hvað hún væri gömul og einnig væru þær upplýsingar á Facebook-síðu hennar.

Maðurinn neitaði sök og sagðist ekkert kannast við stúlkuna en lögregla segir að vitni og sönnunargögn sýni að það sé ósatt. 

Þá kemur fram að  í nóvember var lögð fram kæra fyrir hönd 16 ára stúlku sem sagði manninn hafa brotið kynferðislega gegn sér. Stúlkan sagðist hafa kynnst manninum á Facebook-vefnum. Héraðsdómur segir, að í skýrslu sem tekin var af stúlkunni séu sláandi lýsingar á afar grófum kynmökum sem hún sagðist hafa verið látin framkvæma gegn vilja sínum.

Í desember var lögð fram kæra á hendur manninum egna brota gegn 13 ára stúlku, sem sagðist hafa kynnst manninum Facebook-síðunni og hitt hann í kjölfarið. Maðurinn hefði a.m.k þrisvar sinnum haft við hana samræði. Stúlkan vildi síðar draga framburð sinn til baka og maðurinn neitaði alfarið sök.

Í úrskurði héraðsdóms kemur fram að við frumrannsókn hafi fundist margar myndir í tölvu mannsins af ungum hálfnöktum stúlkum. Auk þess hafi fundist hreyfimyndir sem hafi að geyma barnaklám þar sem sjá megi stúlkubörn beitt grófu kynferðisofbeldi.

Fram kemur í úrskurðinum, að kynferðisbrotin, sem maðurinn sé grunaður um, hafi komið  til kasta lögreglu í árslok 2009 með stuttu millibili og eigi það sammerkt að meintir brotaþolar séu ungar stúlkur undir lögaldri þar af tvær undir kynferðislegum lögaldri.  Brotin varði allt að 16 ára fangelsisrefsingu. Lögreglan líti mál þessi mjög alvarlegum augum enda hafi maðurinn yfirburði í aldri og þroska fram yfir stúlkurnar.  Þá endurspegli það aukinn ásetning mannsins, að hann lét ekki segjast og hafi ekki liðið nema vika frá því að hann var yfirheyrður vegna meints kynferðisbrots gegn ungri stúlku og þar til hann hafði sett sig í samband við þá næstu.

Auk þessara brota er maðurinn grunaður um fjölda annarra brota, þar á meðal innbrot, þjófnaði, eignaspjöll og fíkniefnabrot. Samtals eru þetta 11 mál  sem tengjast flest fíkniefnaneyslu mannsins.