Hætt við að umræðan skekkist

Hætt er við því að umræðan um hvort þjóðin eigi að samþykkja Icesave-lögin skekkist sökum þess að öflug hagsmunafélög og ríkisstjórnin leggjast á eitt um að lögin verði samþykkt, segir Pétur H. Blöndal þingmaður Sjálfstæðisflokks.

Pétur bendir á að fjársterk samtök á borð við ASÍ, BSRB, SA og SI hafi lýst yfir stuðningi við að lögin verði samþykkt. Hins vegar hafi einungis örfá samtök, á borð við InDefence, lýst sig andsnúin lögunum. Erfitt sé að sjá hvernig lítil samtök geti keppt í því áróðursstríði sem framundan er við fjársterk samtök atvinnurekenda og launþega.

Eins og sagt var frá í Morgunblaðinu í dag stendur til að dómsmálráðuneytið hafi milligöngu um að fá utanaðkomandi aðila til að sjá um að vinna kynningarefni vegna þjóðaratkvæðagreiðslunnar um Icesave-lögin.

Pétur bendir á að vandasamt sé að búa til hlutlaust efni þar sem rök með og á móti fái jafnt vægi. Því hefði jafnvel verið skynsamlegra að styrkja andstæðar fjöldafylkingar um tiltekna upphæð til að standa straum af því að kynna þeirra afstöðu til málsins. Jafnframt þyrfti þá að tryggja að fylkingarnar notuðu einungis þá upphæð til að kynna málstað sinn.

• 8 blogg um fréttina

Bloggað um fréttina

• Auðun Gíslason: Ég hef alltaf dáðst af fólki, sem á margar skoðanir …
• Magnús Helgi Björgvinsson: Bíddu Pétur þetta en andstæðingar þess að samþykkja lögin
• Axel Jóhann Hallgrímsson: Pétur Pan
• Gísli Foster Hjartarson: Hvað vill Pétur?
• Hrannar Baldursson: Hvernig væri að tryggja málefnalega umræðu frekar en áróður?
• Ívar Pálsson: Einn maður, eitt atkvæði, loksins!
• Haraldur Haraldsson: Hætt við að umræðan skekkist/rétt hjá Pétri,þetta ber að skoða!!!!!
• Ingvi Rúnar Einarsson: Umræðan skekkist.