Líklegt að AGS-lán frestist

Gylfi Magnússon, viðskiptaráðherra, segir við Reutersfréttastofuna að vísbendingar séu um að næsta endurskoðun Alþjóðagjaldeyrissjóðsins á efnahagsáætlun Íslands, sem átti að fara fram síðar í janúar, frestist vegna Icesave-málsins.

Þá segir Gylfi einnig, að ríkisstjórnin sé langt frá því að ná fram lausn, sem feli það í sér að gerður verði nýr lánasamningur við Breta og Hollendinga og þannig verði mögulegt að hætta við þjóðaratkvæðagreiðslu um Icesave-lögin. 

„Auðvitað reynir íslenska ríkisstjórnin allt sem hún getur til að koma í veg fyrir að endurskoðun efnahagsáætlunarinnar tefjist en ég held ég að líkurnar séu á móti okkur," hefur Reuters eftir Gylfa sem bendir á tafir sem urðu á fyrstu endurskoðun áætlunarinnar á síðasta ári vegna Icesave-málsins. 

„Og því miður eru vísbendingar um að eitthvað því líkt kunni að endurtaka sig nú."  

Gylfi sagði, að tafir á lánafyrirgreiðslu Alþjóðagjaldeyrissjóðsins gætu haft áhrif áa fjárfestingar og gætu kallað á frekari niðurskurð ríkisútgjalda.

• 7 blogg um fréttina

Bloggað um fréttina

• Guðmundur Jónas Kristjánsson: Undirlægjan Gylfi Magnússon
• Andri Geir Arinbjarnarson: Íslendingar verða að finna lausn á Icesave
• Þórður Björn Sigurðsson: Bless, bless AGS ?
• Jón Aðalsteinn Jónsson: Hvað með það.
• Guðjón Sigþór Jensson: Icesave er aðeins lítill hluti vandans
• Haraldur Haraldsson: Líklegt að AGS-lán frestist/enn gasprar ráðherran Gylfi erlendis,ekki gott þetta!!!!
• Jón V. Þorsteinsson: Strengjabrúðan Gylfi