Aldrei ríkt eins mikil óvissa

Elliði Vignisson, bæjarstjóri í Vestmannaeyjum, sagði á baráttufundi gegn fyrningarleið í Höllinni í kvöld, að aldrei í þúsund ára sögu byggðar í Eyjum hafi ríkt jafn mikil óvissa um afkomu íbúa þar og nú.

Elliði sagði, að svonefnd fyrningarleið væri ekki lengur kaffihúsaspeki heldur yfirlýst stefna ríkisstjórnarinnar sem þegar hefur verið hrint í framkvæmd með frumvarpi um skötuselskvóta, sem nú er til meðferðar á Alþingi. Endastöðin á fyrningarleiðinni væri, að byggð myndi leggjast af í Vestmannaeyjum.

Þá spurði hann hvort það væri sanngjarnt að skella á útflutningsálagi, sem skaðaði fyrst og fremst markaði sem Eyjamenn hefðu byggt upp.  

Baráttufundurinn var haldinn á vegum Vestmannaeyjabæjar og félaga bæði sjómanna og útvegsmanna.

• 4 blogg um fréttina

Bloggað um fréttina

• Guðrún María Óskarsdóttir.: Obb bobb bobb, ekki er þetta nú alveg rétt.
• Bjarni Líndal Gestsson: Kvóti í hendi í dag,seldur á morgun í annað byggðalag.
• Haraldur Haraldsson: Aldrei ríkt eins mikil óvissa/Vintsri villa og ranghugmyndir,en má samt …
• Ægir Óskar Hallgrímsson: Stjórnin á kolrangri braut!!