Lára settur ríkissaksóknari
Setja bókamerki
Ragna Árnadóttir, dómsmála- og mannréttindaráðherra, hefur falið Láru V. Júlíusdóttur hæstaréttarlögmanni að vera settur ríkissaksóknari í máli á hendur níu nafngreindum mönnum fyrir meint brot gegn Alþingi, valdstjórninni, almannafriði og allsherjarreglu og húsbrot.
Þetta kemur fram í tilkynningu frá ráðuneytinu.
Fólkið er sakað um að hafa ruðst, ásamt hópi óþekktra manna, inn í Alþingishúsið 8. desember 2008 á meðan á þingfundi stóð.
„Valtýr Sigurðsson ríkissaksóknari sendi dómsmála- og mannréttindaráðherra bréf föstudaginn 22. janúar þar sem hann óskaði eftir því að settur yrði annar löghæfur maður til að fara með málið vegna vanhæfis síns á grundvelli fjölskyldutengsla.
Með bréfi til Héraðsdóms Reykjavíkur, dags. 22. janúar sl., var ákæra í málinu afturkölluð þar sem í ljós kom að meðal brotaþola er þingvörður sem er hálfsystir eiginkonu ríkissaksóknara. Ríkissaksóknari er því lögum samkvæmt vanhæfur til að fara með málið og hefur því vikið sæti sbr. 26. gr. laga um meðferð sakamála nr. 88/2008,“ segir í tilkynningu.
Forsetafylgismenn dregnir í dilka
„Ferðalagið er rétt að byrja“
„Ég læt ekki skoðanakannanir ráða för“
„Ef það er einhver einn lærdómur...“
Önnur stunguárás í Sydney
Foreldrahlutverkið flóknara nú en áður
„Ennþá í hálfgerðu áfalli yfir þessari frétt“