Flogið með landsliðið til Reykjavíkur
Setja bókamerki
Von er á íslenska landsliðinu í handknattleik með flugvél Icelandair, sem kemur frá Kaupmannahöfn til Keflavíkurflugvallar klukkan 16 í dag. Áformað er, að vélinni verði síðan flogið til Reykjavíkurflugvallar með landsliðið innanborðs og lendi þar um klukkan 17.
Verður móttökuathöfnin svipuð og þegar landsliðið kom heim frá Peking sumarið 2008 með silfurverðlaunin. Þá kom liðið einnig með áætlunarflugvél til Keflavíkurflugvallar og vélinni var síðan flogið áfram til Reykjavíkurflugvallar.
Ríkisstjórnin, Reykjavíkurborg og Íþrótta- og Ólympíusamband Íslands bjóða til fagnaðarfundar íslensku þjóðarinnar í dag í tilefni af heimkonu landsliðsins í Laugardagshöll í Reykjavík og hefst hún kl. 17:30.
Þeir sem ætla að taka þátt í fagnaðinum eru hvattir til að mæta tímanlega, nota almenningssamgöngur til að komast í höllina eða leggja bílum sínum í hæfilegri fjarlægð frá samkomustaðnum til að greiða fyrir umferð.
Boðar 17 milljarða hagræðingu á næsta ári
Með skerta aksturshæfni og undir slævandi áhrifum
Børsen brennur á afmæli drottningar
Hafa náð tökum á eldinum
Gleymir seint deginum sem skriðurnar féllu
Fækka nefndum og auka eftirlit með styrkjum
„Eins og ef Alþingishúsið brynni hér“
Myndir: Stórbruni í Kaupmannahöfn