Niðurgreiðslur Akureyrarbæjar á daggæslugjöldum hefjast nú þegar börn eru eins árs gömul, en ekki níu mánaða eins og áður. Þýðir það að þar til börn eru árs gömul þurfa foreldrar þeirra að greiða um áttatíu þúsund krónur á mánuði fyrir vistun hjá dagforeldrum, í stað fjörutíu þúsund króna áður.

Helga Sigurðardóttir, sem býr á Akureyri og á soninn Daníel Skjaldarson sem er tæplega átta mánaða gamall, gagnrýnir að einungis skuli hafa verið gefinn mánaðar fyrirvari áður en nýju reglurnar gengu í gildi.

„Ég fór í fæðingarorlof í júní á síðasta ári, og var þá búin að semja um það við vinnuveitanda minn að taka níu mánaða fæðingarorlof. Þegar ég var hálfnuð í fæðingarorlofinu breytti Akureyrarbær reglum um niðurgreiðslu daggæslugjalda með eins mánaðar fyrirvara.

Sjá nánari umfjöllun í Morgunblaðinu í dag.