Bræðslan fékk Eyrarrósina

Tónlistarhátíðin Bræðslan á Borgarfirði eystra fékk Eyrarrósina í ár, en það er sérstök viðurkenning, sem veitt er fyrir  framúrskarandi menningarverkefni á landsbyggðinni. Dorrit Moussaieff, forsetafrú, afhenti viðurkenninguna á Bessastöðum í dag.

Um er að ræða fjárstyrk að upphæð 1,5 milljón króna og verðlaunagrip eftir Steinunni Þórarinsdóttur til eignar. Bræðurnir Áskell Heiðar og Magni Ásgeirssynir tóku við viðurkenningunni fyrir hönd Bræðslunnar. 

Einnig voru Eiríksstaðir í Haukadal og heimildarmyndahátíðin Skjaldborg á Patreksfirði tilnefnd til Eyrarrósarinnar. Fá þessi verkefni 200 þúsund króna framlag. 

Bræðslan hefur verið haldin árlega frá árinu 2004  í húsi gamallar síldarbræðslu Kaupfélags Héraðsbúa á Borgarfirði eystra, sem breytt hefur verið í tónleikahús. Á síðasta ári voru gestir Bræðslunnar um tvö þúsund talsins. 

Fulltrúar verkefnanna sem tilefnd voru til Eyrarrósarinnar. mbl.is/Kristinn

• 4 blogg um fréttina

Bloggað um fréttina

• Haraldur Bjarnason: Góð viðurkenning
• Magnús Sigurðsson: Vel valið, til hamingju Borgfirðingar.
• Eyrún Huld Haraldsdóttir: Jibbí jei!
• Þorsteinn H. Gunnarsson: Eyrarrós