Móri réðist að Erpi

Magnús Ómarsson, betur þekktur sem rapparinn Móri, reyndi að stinga rapparann Erp Eyvindarson í húsakynnum útvarpsstöðvarinnar X-ins 97,7 í Skaftahlíð í dag. Þetta kemur fram á vef Vísis sem einnig er til húsa í Skaftahlíð.

Þar kemur fram að þeir Móri og Erpur hafi deilt harkalega að undanförnu. Erpur lýsti til að mynda yfir í útvarpsþættinum Harmageddon á X-inu á dögunum að hann hefði upptvötað Móra á sínum tíma. Móri sagðist aftur í móti í viðtali við Fréttablaðið fyrir helgi vera búinn að rappa síðan Erpur var í bleyju.

Til stóð að þeir myndu sættast í viðtali í útvarpsþættinum Harmageddon en þess í stað mætti Móri með rafbyssu, hníf og dobermanhund í viðtalið og réðst á Erp sem náði að verjast með skúringamoppu.

Samkvæmt upplýsingum frá lögreglunni voru fjórir bílar umsvifalaust sendir á svæðið þegar tilkynning um árásina barst, en þá  var Móri bak á burt. Hans er nú leitað.

• 5 blogg um fréttina

Bloggað um fréttina

• Helga R. Einarsdóttir: Skúringamoppan - magnað vopn
• Stefán Friðrik Stefánsson: Rappstríðið mikla
• Jens Guð: Rappari með hníf, byssu og dopermanhund
• Gísli Foster Hjartarson: Hvur þremillinn!!!
• Jón Pétur Líndal: Ástþór réðist gegn DV og Hreini Loftssyni í dag.