Innlent | Morgunblaðið | 27.2.2010 | 5:30 | Uppfært 7:34

Djúpstæður klofningur kominn upp hjá Vinstri grænum

Ögmundur Jónasson (l.t.h.), Steingrímur J. Sigfússon og Jón Bjarnason. Ómar Óskarsson

Djúpstæður klofningur er kominn upp í Vinstri hreyfingunni – grænu framboði. Í flokknum er mikill málefnalegur ágreiningur um aðildarumsókn Íslands að Evrópusambandinu, um vinnubrögð öll og málatilbúnað tengdan Icesave-málum, um aðgerðir vegna skuldavanda heimilanna og um hlutverk Alþjóðagjaldeyrissjóðsins hér á landi.

Þetta kemur fram í fréttaskýringu um málefni VG í Sunnudags-mogga í dag.

Þar kemur fram að tvær öndverðar fylkingar séu nú í VG. Önnur er hópur þingmanna í kringum Ögmund Jónasson, fyrrverandi heilbrigðisráðherra, þau Guðfríður Lilja Grétarsdóttir, Jón Bjarnason sjávarútvegsráðherra, Atli Gíslason, Lilja Mósesdóttir og Ásmundur Einar Daðason.

Kjarninn á bak við Steingrím J. Sigfússon sé á hinn bóginn Álfheiður Ingadóttir heilbrigðisráðherra, Árni Þór Sigurðsson, Björn Valur Gíslason og Svandís Svavarsdóttir.

Sjá nánari umfjöllun um þetta mál í Sunndags-Mogganum.