Búast má við töfum í Hvalfjarðargöngum í nótt. Rax / Ragnar Axelsson

Búast má við  minniháttar töfum í Hvalfjarðargöngum frá miðnætti í nótt og fram til kl 06:00 í fyrramálið vegna hreinsunar á vegbúnaði.
Á Suðurlandi er þoka á Hellisheiði og hálkublettir í uppsveitum. Á Vesturlandi eru hálkublettir á Holtavörðuheiði, Bröttubrekku og Vatnaleið.

Snjóþekja er á Fróðárheiði.

Á Vestfjörðum eru hálkublettir og þoka á Steingrímsfjarðarheiði og hálkublettir á Þröskuldum. Hálka er á Kleifaheiði og Klettshálsi. Hálkublettir eru á Mikladal og Hálfdán. Hálkublettir eru sumstaðar á öðrum leiðum.

Á Norðurlandi eru vegir greiðfærir en hálkublettir og snjóþekja eru á nokkrum leiðum á Norðaustur- og Austurlandi. Á Suðausturlandi eru vegir víðast greiðfærir en krapi er á veginum á milli Víkur og Kirkjubæjarklausturs.

Þungatakmarkanir
Þeim þungatakmörkunum sem hafa verið á vegum í Árnes-, Rangárvalla- og í Vestur-Skaftafellssýslu austur að Höfn og á
Norðfjarðarvegi var aflétt  kl. 08:00 í morgun.

Þungatakmarkanir eru annars víða um land. Nánari upplýsingar má fá á heimasíðu Vegargerðarinnar eða í síma 1777.