Eggert Pálsson og Jóna Guðmundsdóttir, bændur á Kirkjulæk. Sverrir Vilhelmsson

Bændur á hættusvæðum í Rangárvallasýslu fá að fara til síns heima í morgunsárið, eins og þeir hafa lagt mikla áherslu á. Þá verða þeir sem fara inn á skilgreind hættusvæði skráðir þegar þeir fara inn fyrir mörkin og aftur þegar þeir koma til baka.

Bændur hafa lagt mikla áherslu á þetta, að sögn Kjartans Þorkelssonar sýslumanns á Hvolsvelli, meðal annars til að komast í morgunmjaltir. Þeir hafa eðlilegar áhyggjur af stöðunni og hópur bænda úr Landeyjum sem var í skemmtiferð á Akureyri er væntanlegur til síns heima undir morgun, eftir að hafa farið náttfari að norðan.

„Ég er kominn um í kvistherbergi og núna sé bjarmann frá gossprungunni. Nei, það er ekki til í dæminu að ég sé hrædd,“ sagði Jóna Guðmundsdóttir á Kirkjulæk í Fljótshlíð í samtali við Mbl. fyrir stundu.

Fólki á bæjunum í innanverðri Fljótshlíð og öllum sem búa neðan vegarins sem liggur inn sveitina var gert að yfirgefa heimili sín. Kirkjulækjarbæirnir, sem eru nokkrir í sömu torfunni, standa hins vegar uppi í Hlíðinni, og því gat fólk þar haldið kyrru fyrir.

„Við hjónin vorum farin að sofa þegar gosið hófst en sonur var enn á fótum og vakti okkur upp. Þá sáum við mjög vel til gossprungunnar og eins sá dóttir mín sem var úti á Skeiðum það mjög vel. Nei, það er ekki til í dæminu að ég sé hrædd," sagði Jóna sem kvaðst búast við að búskapur á Kirkjulæk raskaðist ekki þrátt fyrir þetta og þau eiginmaður hennar, Eggert Pálsson, færu venju samkvæmt til mjalta í býtið.