Norðurlönd ágirnast íslenska lækna
Setja bókamerki
Kreppan setur mark sitt á mannahald á Landspítala. Læknar hætta og flytjast úr landi. Þetta kemur fram á fundi Læknaráðs Landspítala á Landspítalanum sem stendur nú yfir. Hann ber yfirskriftina Mönnun lækna – læknaskortur.
Þorbjörn Jónsson, formaður læknaráðs Landspítalans, segir langalgengast að aðeins einn læknir sæki um hverja stöðu – jafnvel enginn. Þannig hafi staðan einnig verið fyrir kreppu. Staðan geti orði sú að innan ekki langs tíma verði læknar of fáir á spítalanum.
Birna Jónsdóttir, formaður Læknafélags Íslands, velti því fyrir sér hvort læknaskortur verði á Íslandi. „Samkvæmt lögum verða félagar í læknafélagi Íslands að taka laun samkvæmt kjarasamningi.“ Fátítt sé að læknar sem komi úr sérfræðinámi fari beint í sjálfstæðan rekstur.
„Þrátt fyrir það að við séum með hlutfallslega sambærilegan fjölda lækna hér á við Norðurlöndin hafa þeir skilgreint læknaskort í sínum löndum. Hingað hafa komið sendinefndir og reynt að fá Læknafélagið til að hafa milligöngu um að útvega lækna á Norðurlöndunum,“ segir hún. Félagið hafi ekki aðstoðað við slíkt.
Nánar í Morgunblaðinu á morgun
Aðkoman í gripahúsið mjög slæm
Spursmál: Fyrsta stóra viðtal Katrínar
Mikilvægt að vera á tánum
Almannavarnir auka viðbúnað
Nauðgaði kærustu sinni og tók það upp
Segjast ekki vera á kaldri slóð
Hæstiréttur staðfestir vanhæfi alls Landsréttar