Flugumferðarstjórar við eftirlitsstörf. Brynjar Gauti

Slökkviliðsstjóri höfuðborgarsvæðisins hefur ekki vald til að loka Reykjavíkurvelli, að sögn Hjördísar Guðmundsdóttur, upplýsingafulltrúa Flugstoða. Hún segir félagið harma hræðsluáróður slökkviliðsstjóra sem með yfirlýsingum sínum hafi valdið óþarfa óvissu hjá flugfarþegum. Hún segir símann ekki hafa stoppað síðan í gær.

Hjördís bendir á að Flugstoðir, sem rekstraraðili Reykjavíkurflugvallar, beri ábyrgð gangvart Flugmálastjórn Íslands en ekki gagnvart Slökkviliði höfuðborgarsvæðisins að flugvöllurinn hafi fullnægjandi slökkvi- og björgunarþjónustu.
Þá beri Flugstoðir, sem rekstraraðili Reykjavíkurflugvallar, ábyrgð gangvart Flugmálastjórn Íslands en ekki gagnvart Slökkviliði höfuðborgarsvæðisins að flugvöllurinn hafi fullnægjandi slökkvi- og björgunarþjónustu.

Lögsaga í málinu er hjá Flugmálastjórn Íslands sem heyrir undir samgönguráðuneytið, ekki hjá slökkviliðsstjóra höfuðborgarsvæðisins, að sögn Hjördísar.

Að endingu bendir Hjördís á að sá samningur sem Flugstoðir riftu við Slökkvilið höfuðborgarsvæðisins fyrir rúmlega ári síðan færði þeim rúmlega 120 milljónir króna á ári, en geri það ekki lengur.

Hjördís bendir á að í viðtali við Ríkisútvarpið 12. nóvember 2009 hafi Jón Viðar Matthíasson sagði: „Þetta er bagalegt fyrir mína starfsemi. Við erum að missa frá okkur um 121 milljón út úr okkar tekjum og við þurfum einhvern veginn að bregðast við því.“

„Að ofansögðu er ljóst hvers vegna slökkviliðsstjóri bregst við með þeim hætti sem hann gerir, en að beita þvingandi stjórnvaldsaðgerðum finnst forsvarsmönnum Flugstoða ekki viðeigandi og einungis til þess fallnar að vekja upp óþarfa ótta fólks,“ segir Hjördís.

Reykjavíkurflugvöllur. mbl.is/ÞÖK