Rannsóknarskýrslan lesin upp í Borgarleikhúsinu
Setja bókamerki
Starfsfólk Borgarleikhússins hefur ákveðið að lesa skýrslu rannsóknarnefndar Alþingis upp í heild sinni þegar skýrslan kemur út þann 12. apríl. Borgarleikhúsið býður landsmönnum að hlýða á upplesturinn, en skýrslan telur um 2.000 blaðsíður.
Fram kemur í tilkynningu frá leikhúsinu að listamenn muni ekki leggja mat á innihaldið né gera tilraun til að túlka skýrsluna með neinum hætti.
Lesturinn hefjist um leið og skýrslan hafi verið gefin út og muni lesturinn standa dag og nótt þar til skýrslan hafi öll verið lesin. Um 45 leikarar munu taka þátt í upplestrinum sem áætlað er að taki 3-5 sólarhringa.
Landsmönnum býðst að koma í Borgarleikhúsið og hlýða á skýrsluna að hluta eða í heild. Verður leikhúsið opið allan sólarhringinn meðan á lestrinum stendur en flutningnum verður einnig sjónvarpað á vef leikhússins.
„Það er skiljanlegt að þolinmæði þeirra sé lítil“
Markaðurinn hitnar og leiguverð hækkar hratt
Sárt að horfa upp á illa meðferð fjármuna
Segjast hafa skotið niður langdræga sprengjuvél
Bjarkey stendur við skammarbréf Svandísar
Aðeins ein leið fær í Grindavíkurmálum
29 nautgripir fundust dauðir
Hyggjast leyfa fólki að skoða gosið