Gosið fer hægt minnkandi

Ennþá gýs á Fimmvörðuhálsi. Þar sem töluvert hefur dregið úr óróa á gossvæðinu gefur það þó til kynna að gosið fari hægt minnkandi. Þetta segir Magnús Tumi Guðmundsson jarðeðlisfræðingur.

Engar upplýsingar er að hafa frá vefmyndavélum á gosslóðum enda útsýni ekkert. „Óróinn fer þó hægt minnkandi þessa dagana, en er engu að síður vel fyrir ofan það sem var fyrir gos,“ segir Magnús Tumi. Þá hafi einhver flóð tengd gosinu runnið í Hvanná í nótt og valdið auknum vatnavöxtum sem voru óháð rigningunni á svæðinu.

Enn sem komið er hafi gps-mælar þá ekki sýnt nein merki um hreyfingu kvikuinnskota, hvorki í átt að Kötlu né annað.

• 2 blogg um fréttina

Bloggað um fréttina

• Njörður Helgason: Það er ekki hægt að slá neinu föstu.
• Guðrún Þóra Hjaltadóttir: Það væri gott ef gosið yrði í einhverja mánuði.