Þorsteinn Már Baldvinsson. mbl.is/RAX

Gestur Jónsson, lögmaður, sagði við rannsóknarnefnd Alþingis, að Þorsteinn Már Baldvinsson, þáverandi stjórnarformaður Glitnis banka, hefði lýst þeirri skoðun að stjórnvöld hefðu tekið mjög örlagaríka og vonda ákvörðun þegar ákveðið var sunnudaginn 28. október 2008, að ríkið tæki 75% hlut í bankanum.

„Hann [Þorsteinn Már Baldvinsson] orðaði það þannig: Ég hef aldrei á ævi minni verið tekinn annað eins í rassgatið. ... Það voru upphafsorðin
hjá honum," er haft eftir Gesti í skýrslu rannsóknarnefndarinnar.

„Síðan fór hann yfir þetta og bara lýsti því sjónarmiði að með þessari ákvörðun væri verið að setja hluthafa Glitnis í þá stöðu að það hlytu að verða rosalegar afleiðingar fyrir þá. Hann óttaðist síðan „dómínóeffektinn“ sem af þessu mundi leiða.

Ég get svo sem ekki farið yfir það í smáatriðum – hann var mjög ör. Þorsteinn  verður mjög – hann var með samanbitnar varir og það var mikil ákveðni í því sem hann sagði og hann fór bara yfir þau sjónarmið að hann teldi að þetta væri mjög örlagarík og vond ákvörðun sem þarna væri verið að kynna.“