Öllu flugi um Lundúnir hefur verið aflýst frá og með klukkan tólf á hádegi á staðartíma, klukkan 11 að íslenskum tíma. Er þetta gert vegna ösku frá eldgosinu á Íslandi. Gildir þetta um þrjá helstu flugvelli borgarinnar: Heathrow, Stansted og Gatwick.
Þegar hefur yfir 300 flugum verið aflýst um flugvelli borgarinnar.
Flugumferð var í nótt bönnuð í norðurhluta Noregs og Svíþjóðar vegna öskunnar frá gosinu í Eyjafjallajökli. Búist er við truflun á flugi um Skandinavíu í dag.
Fyrr í morgun var greint frá því að truflanir yrðu á flugi til Aberdeen, Edinburgh og Glasgow. Auk þess sem búist var við truflunum á allt að 90% af því flugi sem fer um flugvellina í Manchester, Liverpool, Newcastle og Birmingham.
Ákvarðanir um að breyta flugáætlun eru í samræmi við alþjóðlegar reglur.
Sjá helstu frétt BBC um eldgosið