Á ofsahraða undir áhrifum fíkniefna

Lögreglan á Selfossi hafði hendur í hári ökumanns sem er grunaður um að hafa ekið undir áhrifum fíkniefna á ofsahraða. Maðurinn reyndi að stinga lögregluna af og mældist hann aka á 136 km hraða á svæði þar sem hámarkshraðinn er 30 km á klukkustund.

Maðurinn, sem er á þrítugsaldri, hefur áður komið við sögu lögreglu. Lögreglumenn veittu honum eftirför á Eyrarbakkavegi við Litla-Hraun um klukkan 15 í dag. Þeir könnuðust við hann þar sem hann var próflaus. 

Á Eyrarbakka yfirgaf maðurinn bifreiðina og reyndi að fela sig á bak við ruslatunnu við hliðina á samkomuhúsi, en án árangurs.

Manninum var sleppt að lokinni skýrslutöku.

• 1 blogg um fréttina

Bloggað um fréttina

• Jóhannes Ragnarsson: Barátta stjörnusýslumannsins við þrjóta og þorpara ber árangur