Engin fyrirheit gefin

Steingrímur J. Sigfússon, fjármálaráðherra, segir viljayfirlýsingu ríkisstjórnarinnar í tengslum við afgreiðslu AGS lánsins fyrir helgi ganga skemur en yfirlýsingin frá nóvember 2008. Hann hafnar gagnrýni Bjarna Benediktssonar á yfirlýsinguna og biður hann að lesa rannsóknarskýrsluna og rifja upp hvernig Icesave sé tilkomið.

Bjarni Benediktsson, formaður Sjálfstæðisflokksins, gagnrýndi viljayfirlýsingu ríkisstjórnarinnar harðlega í gær og sagði hana ganga mun lengra en fyrri yfirlýsing gerði í viðurkenningu á skuldbindingu Íslands.

Málið kom til tals í fyrirspurnatíma á Alþingi í dag og gagnrýndi Bjarni þar, að yfirlýsingin hefði verið gefin út án samráðs við stjórnarandstöðu. Steingrímur sagði hins vegar, að yfirlýsingin væri í samræmi við umboð sem viðræðunefnd stjórnvalda hafði til viðræðna við Breta og Hollendinga í febrúar sl. og formaður þeirrar nefndar hefði lagt lokahönd á orðalag yfirlýsingarinnar.

• 6 blogg um fréttina

Bloggað um fréttina

• Jóhannes Ragnarsson: Sósíalískt þjóðfélag er það sem koma skal
• Kolbrún Hilmars: Við getum slakað á.
• S i g u r ð u r S i g u r ð a r s o n: Fjármálaráðherra vill ekki rökræður
• Geir Ágústsson: Hvernig Icesave kom til
• Benedikta E: Viljayfirlýsing Jóhönnu og Steingríms til AGS er marklaust plagg og …
• Jón Aðalsteinn Jónsson: Vanhæf ríkisstjórn