Tafir hafa orðið á framkvæmdum við Landeyjahöfn vegna eldgossins í Eyjafjallajökli. Nú er útlit fyrir að Herjólfur fari í sína fyrstu ferð að bryggju í Bakkafjöru 21. júlí.

Áður var miðað við framkvæmdum lyki 1. júlí og Herjólfur gæti hafið siglingar fyrir goslokahátíð sem hefst í Eyjum 2. júlí. Hátt í 100 manns starfa nú við hafnargerðina við ýmsa verkþætti.

„Við vonumst til að verkinu ljúki um miðjan júlí, en gosið hefur valdið erfiðleikum og tafið verkið,“ segir Sigurður Áss Grétarsson, forstöðumaður hafnasviðs Siglingastofnunar.

Um kostnað við framkvæmdina segir Sigurður Áss að útlit sé fyrir að áætlanir standist og verði reyndar um 20% lægri en gert var ráð fyrir í áætlun árið 2007.

Sjá nánar um þessar framkvæmdir í Morgunblaðinu í dag.

Tengdar fréttir

Eldgos í Eyjafjallajökli

Tíu ár frá því gos hófst í Eyjafjallajökli

• Öskuský tíðari en áður var talið
• Samráð við heimamenn nauðsynlegt
• Fimm ár frá eldgosunum
• Gjörbreytt sýn á jökulinn

» Fleiri tengdar fréttir