ASÍ undirbýr skipun óháðrar rannsóknarnefndar með víðtækar heimildir til að kanna samskipti lífeyrissjóða við bankana síðustu árin fyrir bankahrunið.
Miðstjórn ASÍ hefur samhljóða fallist á að þetta verði gert í framhaldi af skýrslu rannsóknarnefndar Alþingis.
„Við viljum gjarnan að þetta verði gert á grundvelli niðurstaðna rannsóknarnefndar Alþingis. Við teljum nauðsynlegt að rannsaka þessi tengsl í aðdraganda hrunsins,“ segir Gylfi Arnbjörnsson, forseti ASÍ.
Hann tekur fram að hann viti ekki um nein dæmi um óeðlileg tengsl á milli starfsmanna lífeyrissjóða og bankanna eða stórra fyrirtækja en nauðsynlegt sé að rannsaka þetta svo fullur trúnaður sé á milli stjórna sjóðanna og félagsmanna.
Sjá nánar um þetta málí Morgunblaðinu í dag.