Við endurskipulagningu opinberrar stjórnsýslu á Íslandi verður að byggja á faglegum vinnubrögðum og eintök ráðuneyti að fylgja þeim leiðbeiningum sem fjármálaráðuneytið og Ríkisendurskoðun hafa gefið út.

Þetta segir í ályktun aðalfundar Félags forstöðumanna ríkisstofnana sem hélt aðalfund sinni í gær. Formaður félagsins er Magnús Guðmundsson forstjóri Landmælinga Íslands.

Félagið áréttar í ályktun að við tillögugerð og aðgerðir á þessu sviði sé unnið í nánu samstarfi við forstöðumenn og starfsmenn stofnana. Jafnframt er lögð áhersla á að staðið sé að þessum málum með sambærilegum hætti á öllum sviðum t.d. þegar kemur að réttindum starfsmanna - þar með forstöðumanna til áframhaldandi starfa hjá sameinaðri eða nýrri stofnun.

Í ályktun aðalfundar er einnig vikið að ósamræmi í launakjörum forstöðumanna ríkisstofnana í framhaldi af úrskurði kjararáðs um laun framkvæmdastjóra ríkisfyrirtækja.

Kjararáð hafi í ár kveðið upp úrskurði um launakjör aðila sem bættust í þann hóp sem undir ráðið heyra. Sjá megi að mikið misræmi hafi skapast í ákvörðunum kjararáðs á launum framkvæmdastjóra fyrirtækja í ríkiseigu og svo forstöðumanna og embættismanna. Alþingi hafi ákveðið með breytingum á lögum um kjararáð undir árslok 2008 að lækka laun þeirra sem undir Kjararáð heyra um 5-15%. Þeirri kjaralækkun hafi svo verið viðhaldið. Á sama tíma hafi Alþingi falið kjararáði að ákvarða laun framkvæmdastjóra ríkisfyrirtækja svo ósanræmi hafi skapast og því verði að taka á