Helena Ósk Jónsdóttir tekur við Hvatningarverðlaununum úr hendi Garðars Vilhjálmssonar.

Tuttugu verkefni og einstaklingar fengju Hvatningarverðlaun fræðsluráðs Reykanesbæjar sem voru afhent í þriðja sinn við hátíðlega sl. föstudag. Verðlaunin eru ætluð kennurum, kennarahópum og starsfmönnum í leikskólum, grunnskólum og tónlistarskóla bæjarins.

Verðlaunin eru veitt fyrir starf eða verkefni sem þykja skara fram úr og vera öðrum til eftirbreytni.

Hvatningarverðlaunin í ár fékk Helena Ósk Jónsdóttir fyrir verkefnið Skólahreysti í Heiðarskóla, í öðru sæti var Stefán Jónsson húsvörður í Myllubakkaskóla og í þriðja sæti voru Steindór Gunnarsson og Ingibjörg Kjartansdóttir starfsmenn í sérdeildinni Björk. Formaður fræðsluráðs Garðar K. Vilhjálmsson afhenti verðlaunin en veitt eru peningaverðlaun auk glerlistaverks sem unnið er af Iceglass.

Í umsögn dómnefndar kemur fram að Helena Ósk hafi þjálfað nemendur Heiðarskóla undanfarin ár fyrir keppnina Skólahreysti og hafi nemendur náð mjög góðum árangri þar. Stefán Jónsson húsvörður í Myllubakkaskóla er sagður alltaf boðinn og búinn að aðstoða og leggja sitt af mörkum. Hann hafi málað nokkur listaverk fyrir skólann og leiðbeint í listaviku nemenda svo eitthvað sé nefnt. Þá hafa

Steindór Gunnarsson og Ingibjörg Kjartansdóttir hafa unnið mikið og gott starf í gegnum árin og nú í vetur hafa þau unnið sérstaklega að eflingu félagsfærni, aukinni sjálfstjórn nemenda og siðgæðisþjálfun.