Lögregla við öllu búin

„Við erum við öllu búnir en hér er enn sem komið er ekkert sem raskar helgi dagsins,“ segir Geir Jón Þórisson yfirlögregluþjónn. Hann er nú með sínum mönnum á Austurvelli þar sem hátíðardagskrá þjóðhátíðardagsins stendur yfir en hún hófst með messu klukkan 10:30.

Dagskráin er með nokkuð öðru sniði en venjulega. Gestir gengu fyrst til kirkju og fara síðan á Austuvöll þar sem forseti Íslands leggur blómsveig á styttu Jóns Sigurðssonar. Að því búnu flytur forsætisráðherra hátíðarræðu. Til þessa hefur hins vegar sá hátturinn verið hafður á, að messan kæmi eftir dagskránni á Austurvelli.

„Viðbúnaður hér er svipaður og var í fyrra en talsvert meiri við við jukum hann eftir efnahagshrunið,“ segir Geir Jón Þórisson.

Á bilinu 200-300 manns eru nú á Austurvelli, meðal annars fólk með spjöld frá samtökunum Ísland-Palestína.

Samkvæmt heimildum frá blaðamanni Mbl. á vettvangi eru á fimmta tug lögreglumanna með varðstöðu við Alþingishúsið, Dómkirkjuna og á Austurvelli.

Margmenni er við þjóðhátíðarmessu í Dómkirkjunni sem er öllum opin, þótt annað hefði verið rætt. mbl./Júlíus

Margmenni er í miðborginni. Mbl.is / Júlíus

• 2 blogg um fréttina

Bloggað um fréttina

• Einar Guðjónsson: AGS parið í brynvörn ?
• Þóra Guðmundsdóttir: Réttur dómur í Hæstarétti tryggir friðinn.