Innlent | mbl | 5.7.2010 | 14:03 | Uppfært 14:18

Mótmælendurnir farnir

Mótmælendur skildu eftir búkka, keilur og spýtur fyrir framan aðalinngang Seðlabanka Íslands. mbl.is/Ómar

Engir mótmælendur eru lengur fyrir framan Seðlabanka Íslands. Þeir voru um 400 talsins þegar mest lét. Hópurinn kom saman í hádeginu og barði í búsáhöld og blés í lúðra til að mótmæla tilmælunum sem SÍ og FME beindu til fjármálafyrirtækja varðandi gengistryggð lán.

Þá er lögreglan einnig farin. Samkvæmt upplýsingum frá varðstjóra hjá lögreglunni á höfuðborgarsvæðinu var einn maður færður á lögreglustöð.

Þá vildi lögreglan einnig ræða við eina konu sem kastaði grjóti í áttina að húsinu. Þegar lögreglan reyndi að ræða við konuna í einrúmi gerðu aðrir mótmælendur aðsúg að lögrelgu. Þar sem engan sakaði var málið látið niður falla.

Facebook-síða þar sem hvatt var til mótmælanna í hádeginu í dag.