Grunnskóli Ísafjarðarbæjar. mynd/bb.is

Færri nemendur í 9. og 10. bekkjum Grunnskóla Ísafjarðarbæjar telja foreldra sína eiga í fjárhagslegum erfiðleikum en í sambærilegri könnun sem gerð var fyrir ári. Nær 18% nemendanna töldu foreldra sína í fjárhagserfiðleikum í nýlegri könnun en 20% nemenda töldu svo vera fyrir ári. Er það 2% lægra en landsmeðaltalið sem er 20%.

Þá sagði 1% nemenda að foreldrar þeirra hefðu ekki ráð á því að reka bíl sem er töluvert lægra en landsmeðaltalið sem er 5%. Þeir nemendur sem töldu foreldra sína ekki hafa ráð á þeirri tómstundastarfsemi sem viðkomandi unglingur vildi helst stunda voru 3% í ár á móti 5% nemenda fyrir ári.

Hlutfall nemenda í Ísafjarðarbæ sem sögðu foreldrar sína varla hafa næga peninga til að borga brýnustu nauðsynjar stóð í stað milli ára, eða 4% sem er einu prósenti minna en landsmeðaltalið. Þetta kom fram þegar Rannsóknamiðstöðin Rannsókn og greining kannaði hagi og líðan grunnskólabarna í Ísafjarðarbæ.

Gögnin sem skýrslan byggir á eru byggð könnun sem lögð var fyrir alla nemendur í 8.-10. bekk á Íslandi í marsmánuði árið 2010. Samtals fengust gild svör frá 3684 nemendum í 8. bekk og 7188 nemendum í 9. og 10. bekk auk 106 svara þar sem bekkur var ótilgreindur. Svarhlutfall nemenda í Ísafjarðarbæ var 82,5% í 9. bekk og 72,6% í 10. bekk.

Bæjarins besta