Rafmagnslaust víða fyrir austan

Rafmagnslaust er nú víða á Austurlandi. Þannig mun vera rafmagnslaust víða niðri á Austfjörðum vegna bilunar og einnig er rafmagnslaust á Höfn í Hornafirði en þar mun vera annarri bilun um að kenna. Starfsmenn Landsnets keppast við að koma rafmagni aftur á.

Samkvæmt upplýsingum frá vaktstöð Landsnets varð nokkuð stór truflun í kerfinu og var unnið að því að greiða úr henni. Bilun varð í byggðalínu og mun m.a. hafa orðið truflun á rafmagni frá Eyvindará og niður í Vopnafjörð og víðar niðri á fjörðunum.

Einnig slitnaði strengur við Höfn í Hornafirði sem olli truflun á rafmagni þar.

• 1 blogg um fréttina

Bloggað um fréttina

• Ingibjörg Magnúsdóttir: Lampaljósið blikkaði hjá mér í gærkvöldi ...