Alls fengu nærri 700 fjölskyldur úthlutað matargjöfum hjá Fjölskylduhjálp Íslands og Mæðrastyrksnefnd í gær. Þá var opnað hjá Mæðrastyrksnefnd eftir sumarfrí en hjá Fjölskylduhjálpinni var opnað aftur hinn 18. ágúst sl.

„Við úthlutuðum til um 360 fjölskyldna og það vekur athygli að þar voru útlendingar í meirihluta eða um 60% þeirra. Jafnt konur sem karlar og bæði barnafólk og einstaklingar,“ segir Ásgerður Jóna Flosadóttir, framkvæmdastjóri Fjölskylduhjálparinnar.

Ásgerður segir að svo virðist sem kjör útlendinganna séu eitthvað lakari en Íslendinganna sem hafi verið að fá bæturnar sínar. Það sýni sig að Íslendingar komi ekki nema þeir þurfi virkilega á því að halda sem er þá frekar seinni hluta mánaðarins. Ragnhildur tekur undir með Ásgerði og segir einnig að fleiri útlendingar hafi leitað aðstoðar en oft áður. Þá hafi stærri og yngri fjölskyldur bæst í þann hóp sem leiti aðstoðar.