Reykjanesbær skuldar 43 milljarða

Skuldastaða Reykjanesbæjar er slík að óhjákvæmilegt er að grípa til umfangsmikilla aðgerða ef ekki á að koma til gjaldþrots sveitarfélagsins.

Sveitarfélagið skuldaði í lok síðasta árs um 43 milljarða króna. Rekstrarafgangur A- og B-hluta bæjarsjóðs í fyrra var rúmir 6 milljarðar en hefði verið neikvæður ef ekki hefði komið til einskiptishagnaður af sölu hlutabréfa, sem skilaði ríflega 10 milljörðum. Heildarfjármagnsgjöld námu yfir 4 milljörðum, að því er fram kemur í umfjöllun um fjármál sveitarfélaga í Morgunblaðinu í dag.