Gagnaveitan hefur meðal annars lagt ljósleiðara í hús í Reykjavík og fleiri sveitarfélögum,. Ómar Óskarsson

Póst- og fjarskiptastofnun telur að Gagnaveita Reykjavíkur hafi brotið gegn ákvörðun stofnunarinnar varðandi fjárhagslegan aðskilnað Gagnaveitunnar frá móðurfélaginu, Orkuveitu Reykjavíkur.

Hefur Póst- og fjarskiptastofnun komist að þeirri niðurstöðu, að tiltekið ákvæði í lánasamningi Gagnaveitunnar við fjármálastofnun brjóti í bága við ákvörðun um fjárhagslegan aðskilnað. Um er að ræða ákvæði í lánasamningnum, sem kveður á um að Gagnaveitan myndi ekki greiða vexti af lánum sínum hjá Orkuveitunni á gildistíma lánasamningsins við umrædda fjármálastofnun.

Í niðurstöðu Póst- og fjarskiptastofnunar segir, að Gagnaveitunni beri því að virða ákvæðið að vettugi að standa Orkuveitu Reykjavíkur skil á vaxtagreiðslum á umsömdum vaxtagjalddögum þar til lánið sé að fullu greitt.

Í úrskurðinum segir Póst- og fjarskiptastofnun, að hún hafi ekki getað orðið við kröfu Gagnaveitu Reykjavíkur um að ákvörðunin verði ekki birt opinberlega þar sem stofnunin stundi opna og gagnsæja stjórnsýslu í samræmi við meginreglur stjórnsýsluréttar. Hins vegar fékk Gagnaveitan að gera tillögu um að  hvaða trúnaðarupplýsingar yrði felldar brott áður en ákvörðunin var birt opinberlega. 

Úrskurður Póst- og fjarskiptastofnun