Sigurður Jónsson, fyrrum prentari á Ísafirði, var meðal þeirra sem hjóluðu í gegnum Bolungarvíkurgöngin. mynd/bb.is

Fjöldi fólks fóru á reiðhjólum og hlaupandi í gegnum Bolungarvíkurgöng í kjölfar opnunar þeirra á laugardag.

„Þetta var heilmikill hópur á hinum fjölbreytilegustu farartækjum. Þarna voru hjól, barnavagnar, fólk á tveimur jafnfljótum og ég veit ekki hvað,“ segir Sigurður Jónsson á Ísafirði sem líklegast var með elstu hjólreiðaköppunum sem fóru í gegnum gögnin en hann er á tíræðisaldri.

„Þetta var fólk á öllum aldri, allt frá börnum í vagni til svona gamalmenna eins og ég er.“

Aðspurður um þá upplifun að hjóla í gegnum nýopnuð göngin segir Sigurður það hafa verið ósköp þægilegt og skemmtilegt. Auk þess sem fólki gafst kostur á að hlaupa eða hjóla í gegnum göngin frá Hnífsdal var í boði að verður hægt að hlaupa stutt inn í göngin og til baka Bolungarvíkurmegin og var þá yngsta fólkið sérstaklega haft í huga.