Innlent | mbl | 28.9.2010 | 17:15 | Uppfært 29.9.2010 9:05

Mál höfðað gegn Geir

Frá atkvæðagreiðslunni á Alþingi í dag. mbl.is/Kristinn

Það var niðurstaða Alþingis, að höfða beri mál gegn Geir H. Haarde, fyrrverandi forsætisráðherra, fyrir landsdómi. Tillögur um að ákæra þrjá aðra fyrrverandi ráðherra í ríkisstjórn Geirs voru hins vegar felldar.

Tillaga um að ákæra Geir var samþykkt með 33 atkvæðum gegn 30. Tillaga um að ákæra Ingibjörgu Sólrúnu Gísladóttur, fyrrverandi utanríkisráðherra, var felld með 34 atkvæðum gegn 29. Tillaga um að ákæra Árna M. Mathiesen, fyrrverandi fjármálaráðherra, var felld með 32 atkvæðum gegn 31 atkvæði. Þá var tillaga um Björgvin G. Sigurðsson, fyrrverandi viðskiptaráðherra, felld með 35 atkvæðum gegn 27 en einn þingmaður, Mörður Árnason, sat hjá.

Allir þingmenn Vinstrihreyfingarinnar-græns framboðs og Hreyfingarinnar greiddu atkvæði með tillögu um að höfða mál gegn Geir, 9 þingmenn Samfylkingar og 6 þingmenn Framsóknarflokks.

Allir 16 þingmenn Sjálfstæðisflokksins, 11 þingmenn Samfylkingarinnar og 3 þingmenn Framsóknarflokksins greiddu atkvæði gegn tillögunni.

Þegar kom að því að greiða atkvæði um hvort ákæra ætti Ingibjörgu Sólrúnu Gísladóttur, greiddu fjórir þingmenn Samfylkingarinnar, sem samþykktu málshöfðun gegn Geir, atkvæði á móti. Þetta voru Helgi Hjörvar, Ólína Þorvarðardóttir, Sigríður Ingibjörg Ingadóttir og Skúli Helgason.

Þegar atkvæði voru greidd um hvort ákæra ætti Árna M. Mathiesen greiddu þær Ólína og Sigríður Ingibjörg atkvæði með tillögunni en Helgi og Skúli greiddu atkvæði gegn.

Loks voru greidd atkvæði um hvort höfða ætti mál gegn Björgvin G. Sigurðssyni. þrír þingmenn Samfylkingarinnar greiddu atkvæði með málshöfðun, Ólína Þorvarðardóttir, Sigríður Ingibjörg Ingadóttir og Jónína Rós Guðmundsdóttir en Mörður Árnason sat hjá.

Innlent »

Salvör Nordal, fyrrum formaður Stjórnlagaráðs, ásamt fleiri fulltrúum í ráðinu.

Gerir alvarlegar athugasendir

11:52 Fram koma alvarlegar athugasemdir við málsmeðferð Alþingis á frumvarpi stjórnlagaráðs að nýrri stjórnarskrá í bréfi fyrrum formanns ráðsins, Salvarar Nordal, til forsætisnefndar þingsins í kjölfar þess að samþykkt var á Alþingi í gær að vísa málinu til ráðsins á ný. Meira

Telja neytendur eiga betri rétt

11:36 Hagsmunasamtök heimilanna áttu fund með efnahags- og viðskiptanefnd í gær þar sem rætt var um nýfallinn Hæstaréttardóm um gengistryggð lán. Leggja samtökin til að Samtök fjármálafyrirtækja verði leyst upp með tilliti til þess að þar væri um grundvöll fyrir óheilbrigðan og skaðlegan samráðsvettvang. Meira

Hundarnir finna dópið strax

12:00 Undanfarnar þrjár vikur hafa hundar verið í strangri þjálfun í Lögregluskólanum. MBL Sjónvarp fylgdist með einu lokaprófinu þegar þeir leituðu að fíkniefnum sem komið hafði verið fyrir í æfinga-íbúð skólans. Hundarnir nýtast þó til fleiri verka en niðurskurður hefur verið í hundahaldi lögreglunnar. Meira

D-vítamínbætt mjólk á markað

11:44 Mjólkursamsalan, MS, hefur á næstu dögum sölu á D-vítamínbættri léttmjólk. Er það gert samkvæmt ráðleggingum Embættis landlæknis og rannsóknastofu í næringarfræði við HÍ og Landspítala. Meira

Tæplega helmingur ók of hratt

11:31 Tæplega helmingur ökumanna sem fór um Suðurgötu í Reykjavík á einni klukkustund eftir hádegið í gær ók of hratt eða yfir afskiptahraða. Á meðan lögregla vaktaði götuna fóru 122 ökutæki akstursleiðina og 48% þeirra voru á of mikilli ferð. Meira

Ummerki um olíu frá Júratímabilinu

11:54 Nýjar rannsóknir á Drekasvæðinu sýna ummerki um olíu frá Júratímabilinu á hafsbotni og staðfesta tilvist jarðlaga frá miðlífsöld. Þetta kemur fram í frétt á vef Orkustofnunar. Meira

Unnur Brá: Eina lausnin?

11:33 „Svo virðist sem forsætisráðherra hafi aðeins eitt svar við öllum spurningum og eina lausn á öllum vanda, það er að Ísland gangi í ESB og taki upp evru", segir Unnur Brá Konráðsdóttir, alþingismaður, í grein í Morgunblaðinu í dag. Meira

Umgekkst vændiskonur í opinberum ferðum

11:14 Eitt bréfanna sem Jón Baldvin Hannibalsson sendi ungri systurdóttur eiginkonu sinnar var sent frá Tallinn í Eistlandi árið 2001. Þá var hann þar staddur í opinberum erindagjörðum sem heiðursræðumaður á hátíðarsamkomu, sem var skipulögð af upplýsingaskrifstofu Norræna ráðherraráðsins þar í landi. Hann lýsir þar samskiptum sínum við vændiskonur. Meira

Vatnsleki vegna ræktunar

11:05 Lögregla höfuðborgarsvæðisins stöðvaði kannabisræktun í íbúð fjölbýlishúss í miðborg Reykjavíkur í fyrradag. Tilkynnt var um mikinn vatnsleka í húsinu og var slökkviliðið kallað á vettvang, en lekann mátti rekja til ræktunarinnar. Karlmaður á þrítugsaldri var yfirheyrður vegna málsins. Meira

Allt að 25% verðmunur

11:03 Bónus var oftast með lægsta verðið þegar verðlagseftirlit ASÍ kannaði verð í þremur lágverðverslunum og fjórum stórmörkuðum á höfuðborgarsvæðinu og Ísafirði 20. febrúar. Hæsta verðið var oftast að finna hjá Samkaupum-Úrvali eða í um helmingi tilvika. Meira

„Ég er komin með nóg“

11:03 „Ég er komin með nóg. Reglulega kemur upp hjá mér reiði, sorg eða biturð yfir þessu máli og nú langar mig að koma því frá mér,“ segir Guðrún Harðardóttir, sem í viðtali í Nýju lífi segir frá bréfum sem eiginmaður móðursystur hennar, Jón Baldvin Hannibalsson, sendi henni er hún var unglingur. Meira

„Pawel virðist eitthvað misskilja ferlið“

10:58 Þór Saari, þingmaður Hreyfingarinnar skrifar á Facebook að Pawel Bartozsek sem sat í stjórnlagaráði og hefur gagnrýnt meðferð þingsins á tillögum þess, virðist eitthvað misskilja ferlið við breytingar á stjórnarskránni. Þór skorar á Pawel að halda áfram að vinna með stjórnlagaráði. Meira

Perlan góður kostur fyrir safn

10:51 Katrín Jakobsdóttir, mennta- og menningamálaráðherra, sagði á Alþingi í dag, að hún hefði rætt það óformlega við stjórnarmenn Orkuveitu Reykjavíkur að Perlan yrði nýtt undir Náttúruminjasafn Íslands, verði ekki af sölu hennar. Hún segir Perluna áhugaverðan kost fyrir safn af því tagi. Meira

Rammaáætlunin tilbúin á næstu dögum

Jóhanna Sigurðardóttir, forsætisráðherra.

10:44 Fram kom í máli Jóhönnu Sigurðardóttur, forsætisráðherra, á Alþingi í dag að gert væri ráð fyrir því að rammaáætlun um vernd og orkunýtingu náttúrusvæða yrði tilbúin á næstu dögum. Meira

Bað hana að leyna bréfunum

10:31 Jón Baldvin bað systurdóttur eiginkonu sinnar að leyna bréfum sem hann sendi henni næstu áratugina. Ríkissaksóknari komst að þeirri niðurstöðu að ekki væri um samfellda háttsemi að ræða og því væru hin meintu eða ætluðu brot vegna bréfanna frá 1998 fyrnd. Meira

Með kannabisgræðlinga í bíl

10:46 Lögreglan á höfuðborgarsvæðinu leitaði í húsi manns eftir að á fjórða tug kannabisgræðlinga fundust í bíl hans í fyrradag. Við húsleitina fundust um 900 grömm af tilbúnu maríjúana og um 1,4 kg af öðrum kannabisefnum. Maðurinn hefur áður komist í kast við lögin. Meira

Efla þarf rannsóknir á höfunum

10:34 Nauðsynlegt er að efla rannsóknir á höfunum og auðlindum þeirra, sagði Ólafur Ragnar Grímsson, forseti Íslands í setningarræðu á heimsþingi um höfin í morgun sem haldið er í Singapúr. Hann rakti einnig reynslu Íslendinga af veiðum á grundvelli vísindalegra vísinda og þróun samstarfs á Norðurslóðum. Meira

Málið var kært, en fellt niður

10:09 Samkvæmt umfjöllun nýjasta tölublaðs Nýs lífs reyndi Jón Baldvin Hannibalsson að kyssa systurdóttur eiginkonu sinnar þegar hún var á unglingsaldri, hann fór inn í herbergi hennar að næturlagi og snerti hana „óþarflega mikið“. Hann sendi henni bréf, þar sem hann lýsti kynlífi sínu og samskiptum við vændiskonur. Málið var kært, en látið falla niður. Meira