Bolungarvíkurgöng lokuðust í gær

Bolungarvíkurgöng, sem opnuð voru um helgina, lokuðust a.m.k. í tvígang í gær, þegar kviknaði á lokunarljósum og slár fóru niður. Skoðunarstofa fór yfir rafmagnsbúnaðinn í göngunum síðdegis í gær.

Samkvæmt upplýsingum frá Vegagerðinni virðist sem einn NO nemi, sem mælir magn köfnunarefnisoxíði, sé bilaður eða gallaður. Neminn sendi þær upplýsingar að of mikil mengun væri í göngunum og því ætti að loka þeim.

Jafnframt voru sendar upplýsingar til blásara um að fara í gang og loftræsa göngin, en vegna einhvers konar vanstillingar sló út rafmagni. „Þetta eru vonandi byrjunarörðugleikar, en í svona sjálfvirku viðvörunarkerfi er alltaf hætta á fölskum boðum. Vegfarendur verða samt að taka boðin alvarlega. Vegagerðarmenn munu reyna að leiðrétta slíkt eins fljótt og mögulegt er,“ segir Gísli Eiríksson, umdæmisstjóri Vegagerðarinnar á Ísafirði.

• 3 blogg um fréttina

Bloggað um fréttina

• Guðlaugur Hermannsson: Er NO neminn í Landeyjarhöfn en ekki í Bolungarvíkurgöngum?
• Haraldur Haraldsson: Bolungarvíkurgöng lokuðust í gær/fall er fararaheill,segir máltækið !!!!
• María Anna P Kristjánsdóttir: Óshlíðargöng..