Heildarmagn makríls reyndist mun meira í efnahagslögsögunni í sumar en áður var talið. Í sumar tók rannsóknaskipið Árni Friðriksson þátt í rannsóknaleiðangri ásamt skipi frá Færeyjum og tveimur frá Noregi. Benda mælingar til þess að heildarmagn makríls á svæðinu sem leiðangurinn nær yfir er áætlaður um 4,85 milljónir tonna.

Markmið leiðangursins var að rannsaka vistfræði, kortleggja útbreiðslu og magnmæla makríl, síld og kolmunna í kringum Ísland, Færeyjar og í Noregshafi austur af Íslandi allt að ströndum Noregs.

Hafrannsóknastofnunin, í samvinnu við Norðmenn og Færeyinga, hefur nú endurmetið magn makríls út frá gögnum leiðangursins sem byggja á upplýsingum um afla í hverju togi, stærð veiðarfæris, togtíma og stærð svæðis (svokölluð “swept area” aðferð). Á stæða endurmatsins er sú að eldri útreikningar voru ekki bundnir við efnahagslögsögur, aðferðarfræðin við útreikningana var ónákvæm og forsendur um stærð veiðarfæra skipanna var ekki rétt.

„Niðurstöður þeirra útreikninga sem nú liggja fyrir sýna að heildarmagn makríls á svæðinu sem leiðangurinn nær yfir er áætlaður um 4,85 milljónir tonna, en fyrra matið var nokkuð lægra eða 4,46 milljónir tonna. Þá benda útreikningar til að um 1.1 milljón tonn makríls var innan íslensku lögsögunnar, en dreifing makrílsins náði yfir stórt hafsvæði,"

Sjá nánar á vef Hafró