Lánin væru 16% lægri

Ef verðtryggð húsnæðislán hefðu fylgt vísitölu íbúðarverðs í stað vísitölu neysluverðs hefði höfuðstóll lánanna lækkað um rúmlega 16% frá bankahruni. Það er lítið eitt lægri tala en nú er verið að tala um að þurfi að leiðrétta.

Már Wolfang Mixa segir frá þessum útreikningum á bloggi sínu en hann skrifaði nýlega skýrslu fyrir VR um þessi mál, eins og fram kom í Morgunblaðinu.

Hann vekur athygli á því á blogginu að umræðan um 18% lækkun verðtryggðra húsnæðislána væri óþörf ef miðað hefði verið við íbúðaverð, í stað neysluvísitölu. „[H]öfuðstóll lána hefði lækkað einfaldlega vegna lækkandi íbúðaverðs og má jafnvel áætla að lækkunin hefði verið skarpari því vitað er að margir hefðu verið tilbúnari til að selja fasteignir sínar á lægra verði ef höfuðstóll lána hefði fylgt með láninu.“

• 4 blogg um fréttina

Bloggað um fréttina

• Kristján H Theódórsson: Góður punktur!
• Þorsteinn Helgi Steinarsson: Fleiri greinar um málið
• Sigurður Haraldsson: Flott og nú á að fara að leiðrétta!
• Guðmundur Ásgeirsson: Icelandic Financial Reform Initiative