Björn Zoega, forstjóri Landspítalans, sagði í fréttum Ríkisútvarpsins að hann óttaðist að senda þurfi hjartasjúklinga til aðgerða í útlöndum þar sem Landspítalinn geti ekki
ráðið sérfræðinga til starfa á þeim launum sem bjóðast.
Björn sagðist óttast að ef gengið verði harðar að
Landspítalanum verði komið að þolmörkum. Ekki hafi verið lögð niður
nein starfsemi á síðustu árum heldur hefði henni verið breytt, hún
endurskipulögð og minnkuð. Næsta skref geti orðið það að leggja niður
einhverja starfsemi.