Innlent | mbl | 15.10.2010 | 12:18 | Uppfært 6.2.2012 10:06

Yfirheyrður vegna Facebookfærslu

Steinar Immanuel Sörensson

Steinar Immanuel Sörensson stofnaði nýlega viðburð á Facebook undir heitinu „Upp í rúm til Jóhönnu og Steingríms.“ Í gærkvöldi var hann tekinn til skýrslutöku hjá rannsóknarlögreglumönnum, þar sem honum var gefin réttarstaða grunaðs manns og tjáð að hugsanlega væri um refsivert athæfi að ræða.

„Ég fékk símtal í gærkvöldi, þar sem rannsóknarlögreglan kynnti sig og sagðist vilja hafa tal af mér. Ég vissi ekki hvað stóð til, en féllst á að hitta þá við verslunarmiðstöð, þar sem ég var ekki staddur heima hjá mér. Í bílnum voru tveir óeinkennisklæddir menn sem sýndu mér lögregluskilríki.“

Rannsóknarlögreglumennirnir tjáðu Steinari að hann hefði stöðu grunaðs manns, hann væri grunaður um að hvetja fólk til að fremja húsbrot..„Þeir sýndu mér viðburð sem ég hafði stofnað á Facebook. Viðburðurinn heitir „Upp í rúm til Jóhönnu og Steingríms“ og ég bjó hann til eftir mótmælin á mánudaginn. Þá komu stjórnmálamenn fram í hrönnum og sögðust ekki vita hverju fólk væri að mótmæla. Mér þótti því tilvalið að fólk settist á rúmstokk helstu ráðamanna til að útskýra fyrir þeim að hér væri fólk að missa heimili sín og allt sitt.“

Steinar segist ekki vita til þess að nokkur hafi gert ráðherrunum rúmrusk, enda hafi hann síður átt von á því. „Ég fór að minnsta kosti ekki sjálfur upp í rúm til þeirra. Þetta var eiginlega gert til að gera grín að því að þau hafi ekki áttað sig á því hverju fólk er að mótmæla.“

„Mér var líka sagt að til mín hefði spurst fyrir utan Seðlabankann og Menntamálaráðuneytið að kvöldlagi í síðustu viku,“ segir Steinar. „Það passar ekki, ég á fjögur ung börn og er lítið úti á kvöldin. „Ég var líka spurður að því hvort ég væri að skipuleggja aðgerðir og hvort ég væri tengdur hópum sem væru að skipuleggja róttækar aðgerðir.“

Steinar er meðal þeirra sem skipulagði svefnmótmælin fyrir utan Alþingishúsið 1. október. Hann hefur verið virkur í mótmælum og hyggst halda því áfram. „Ég spurði lögreglumennina hvort þetta væri leið stjórnvalda til að þagga niður í mótmælum. En þeir neituðu því.“

Steinar segist ekki vita til þess hvort það verði nokkrir eftirmálar af þessu.

Innlent »

Myndarlegur selur heldur til við skútubryggjuna á Ísafirði.

Selur fylgist með skútunum

14:52 Segja má að nýr hafnarvörður sé tekinn til starfa við skútubryggjuna á Ísafirði en þar hefur myndarlegur selur haldið sig síðustu daga. Selurinn tekur lífinu með ró og kippir sér lítið upp við umferð mannfólksins á höfninni. Meira

Guðmundur Rúnar Árnason bæjarstjóri, Guðbjartur Hannesson velferðarráðherra og Gissur Pétursson forstjóri Vinnumálastofnunar skrifuðu undir samning ...

Ráðgjöf veitt á Atvinnutorgi

14:25 Í hádeginu í dag skrifuðu þeir Guðmundur Rúnar Árnason bæjarstjóri, Guðbjartur Hannesson velferðarráðherra og Gissur Pétursson forstjóri Vinnumálastofnunar undir samning um Atvinnutorg í Hafnarfirði. Meira

Óljóst um hvað málið snýst

Þórhildur Þorleifsdóttir, fyrrverandi fulltrúi í stjórnlagaráði.

15:06 „Hvað það varðar að við komum að þessu aftur þykir mér það alls ekki afleit hugmynd,“ segir Þórhildur Þorleifsdóttir, sem sæti átti í stjórnlagaráði á síðasta ári, en Alþingi ákvað í gær að vísa frumvarpi ráðsins að nýrri stjórnarskrá aftur til þess til umfjöllunar. Meira

Vaxandi hríðarveður á Vestfjörðum og Norðurlandi

Spáð er hríðaveðri á fjallvegum í kvöld.

14:09 Vaxandi hríðarveður er á flestum fjallvegum á Vestfjörðum og Norðurlandi. Gera má ráð fyrir þéttri ofankomu og skafrenningi austanlands fram á nótt s.s. á Oddsskarði og Fjarðarheiði. Á láglendi nær hins vegar víðast að hlána í dag. Meira

Rán framið á Akureyri

14:02 Rán var framið á spilastað Gullnámunnar við Geislagötu á Akureyri um hádegisbil í dag. Þetta staðfesti lögreglan á Akureyri og sagðist leita ræningjans en varðist að öðru leyti allra frétta af málinu. Meira

Þremur sagt upp hjá Becromal

14:23 Þremur starfsmönnum Becromal á Akureyri var sagt upp störfum í gær. Sex starfsmönnum fyrirtækisins var sagt upp störfum um síðustu mánaðamót. Meira

Reglur ræddar í Hafnarfirði

Verði drögin samþykkt orðrétt er ljóst að trúar- og lífsskoðunarfélög fá ekki að stunda starfsemi ...

14:07 Drög að reglum um samskipti leik- og grunnskóla við trúar- og lífsskoðunarfélög voru lögð fyrir fræðsluráð Hafnarfjarðar fyrr í vikunni. Drögin eru samljóma reglum sem samþykktar voru í Reykjavík, og segir í þeim að trúarleg innræting og boðun tiltekinna lífsskoðana eigi ekki heima í skólum. Meira

WOW air notar Airbus-vélar

14:01 WOW air undirbýr sig nú fyrir komandi sumar en félagið mun hefja áætlunarflug til 13 áfangastaða í Evrópu í júní. Flugfloti WOW air samanstendur af tveimur Airbus A320 168 sæta flugvélum. Vélarnar eru leigðar frá félaginu Avion Express. Önnur vélin er merkt WOW Force One með fjólubláum stöfum sem er einkennislitur WOW air. Meira

Skoði betur kaflann um forsetann

Fundur stjórnskipunar- og eftirlitsnefndar Alþingis.

13:34 Meirihluti stjórnskipunar- og eftirlitsnefndar Alþingis ætlar að senda stjórnlagaráði, sem kemur saman 8. mars, nokkrar spurningar sem hún vill að ráðið ræði. Ein af þeim er varðandi stöðu forseta Íslands. Meira

Gagnrýnir skamman fyrirvara

Örn Bárður Jónsson, prestur og fyrrverandi fulltrúi í stjórnlagaráði.

13:18 „Ég gerði mér vonir um að Alþingi færi rækilega yfir þessar tillögur og skrifaði síðan um þær álit. Ég gerði hins vegar alveg eins ráð fyrir því að hópurinn yrði kallaður saman til skrafs og ráðagerða,“ segir Örn Bárður Jónsson, prestur og einn fulltrúa í stjórnlagaráði. Meira

Draga hækkun til baka

13:26 Bæjarráð Vesturbyggðar hefur samþykkt að draga til baka hækkun á leikskólagjöldum sem sett var á um áramótin og fella niður innritunargjald í félagsstarfi aldraðra. Meira

Klára málið í næstu viku

Valgerður Bjarnadóttir formaður stjórnskipunar- og eftirlitsnefndar.

13:11 Ef Alþingi vísar máli gegn Geir H. Haarde, fyrrverandi forsætisráðherra, frá verða gögn sem safnað hefur verið saman vegna málshöfðunarinnar send á Þjóðskjalasafnið til varðveislu. Stjórnskipunar- og eftirlitsnefnd reiknar með að afgreiða tillögu um afturköllun málsmeðferðar í næstu viku. Meira

Segir rangt farið með málsatvik

13:11 Jón Baldvin Hannibalsson, fyrrverandi utanríkisráðherra og sendiherra, segir að ekki sé rétt farið með málsatvik í umfjöllun í Nýju lífi þegar því er haldið fram að hann hafi átt samskipti við vændiskonur er hann var í opinberum erindagjörðum í Tallinn. Meira

Afgreiðsla ekki í samræmi við lög

12:27 Umboðsmaður Alþingis hefur komist að þeirri niðurstöðu að skilyrði ríkissaksóknara um að tilgreina beri ástæður þess að óskað sé eftir gögnum í máli sem er lokið, eigi sér ekki stoð í lögum. Er þeim tilmælum beint til embættisins að það endurskoði ákvæði þess efnis. Meira

Hundarnir finna dópið strax

12:00 Undanfarnar þrjár vikur hafa hundar verið í strangri þjálfun í Lögregluskólanum. MBL Sjónvarp fylgdist með einu lokaprófinu þegar þeir leituðu að fíkniefnum sem komið hafði verið fyrir í æfinga-íbúð skólans. Hundarnir nýtast þó til fleiri verka en niðurskurður hefur verið í hundahaldi lögreglunnar. Meira

Börn og unglingar í óhamingjugildru

12:32 Það er ekki nóg að tækifærin séu til, einstaklingurinn þarf að hafa hvata til þess að sjá þá möguleika sem hann hefur á að nýta sér þau,“ segir dr. Sigrún Júlíusdóttir, prófessor í félagsráðgjöf og formaður stjórnar RBF, Rannsóknarstofnunnar í barna- og fjölskylduvernd við félagsráðgjafadeild Háskóla Íslands. Meira

Baðst afsökunar fyrir 12 árum

12:17 „Ég hef ekki séð blaðið og veit ekki hvað stendur í því,“ segir Jón Baldvin Hannibalsson, fyrrverandi utanríkisráðherra og sendiherra, um umfjöllun í Nýju lífi þar sem systurdóttir eiginkonu hans segir frá bréfum sem hann sendi henni er hún var á unglingsaldri. Meira

Ummerki um olíu frá Júratímabilinu

11:54 Nýjar rannsóknir á Drekasvæðinu sýna ummerki um olíu frá Júratímabilinu á hafsbotni og staðfesta tilvist jarðlaga frá miðlífsöld. Þetta kemur fram í frétt á vef Orkustofnunar. Meira