Íbúðalánasjóður leysti í gær til sín 44 íbúðir í tveimur blokkum í Vindakór í Kópavogi þegar þær voru boðnar upp af fulltrúa sýslumannsins í Kópavogi.
Uppboðið var stutt og snarpt enda bauð enginn á móti sjóðnum í íbúðirnar, að því er fram kemur í umfjöllun um nauðungarsölunnar í Morgunblaðinu í dag.
Uppboðið stóð aðeins í um 40 mínútur og var því ein íbúð slegin á hverri mínútu. Hver og ein íbúð var slegin á þrjár milljónir króna en kröfur sjóðsins í blokkina voru um einn milljarður.