Mikið fjallað um íslenska drenginn

Tyrkneskir fjölmiðlar hafa fjallað talsvert um hálfs árs gamlan íslenskan dreng, sem komst lífs af úr bílslysi við borgina Mugla á miðvikudag en foreldrar drengsins létu báðir lífið. Ættingjar drengsins komu til Tyrklands í gærkvöldi til að sækja drenginn og flytja hann til Íslands.

Drengurinn, sem heitir Daníel Ernir, var fluttur á sjúkrahús í Mugla eftir slysið.  Blaðið Hürryiet hefur eftir yfirlækni á sjúkrahúsinu að drengurinn sé við góða heilsu og hafi verið mikill gleðigjafi á sjúkrahúsinu meðan hann dvaldi þar.    

Foreldrar drengsins hétu Jóhann Árnason og Dagbjört Þóra Tryggvadóttir. Jóhann var 25 ára gamall en Dagbjört Þóra 34 ára. Þau voru búsett í Árósum í Danmörku en voru á ferðalagi um Tyrkland þegar slysið varð.

Frétt Hürriyet

• 1 blogg um fréttina

Bloggað um fréttina

• Axel Jóhann Hallgrímsson: Ekki öll sagan sögð