Naglar óþarfir í borginni

Í dag var sett upp skilti á Miklubraut til að minna ökumenn á að nagladekk valda fremur svifryksmengun en önnur dekk. Skiltið virðist vera tómt, en mynd af mannslungum mun koma í ljós, þegar rykið sest á það.

Einnig eru á skiltinu tvær fullyrðingar;  „Svifryk sest í lungun"og „Nagladekk eru óþörf í Reykjavík". Skiltið er hannað af Rósu Hrund Kristjánsdóttur grafískum hönnuði.

Í fréttatilkynningu frá Reykjavíkurborg  segir að borgin muni á næstu dögum minna ökumenn á að varkárni á götum borgarinnar er meginaðferðin við keyrslu í borginni ásamt góðum naglalausum vetrardekkjum.

• 2 blogg um fréttina

Bloggað um fréttina

• Haraldur Haraldsson: Naglar óþarfir í borginni/ þessu er maður mikið sammála !!!!
• Guðjón Sigþór Jensson: Hvernig væri að skattleggja naglana?